Tuladha Sinopsis Cerkak

Sinopsis saking cerkak ingkang judulipun “Tresnane Tetep Wutuh”

Anggitanipun : Inuk

                  Tiyas iku garwanipun Krisnawan, nanging saiki wis dadi randha, bojone Krisnawan, wis kapundhut nalika umure 48 taun. Dheweke duwe anak loro ingkang tesih sami kuliyah sak waktu Krisnawan tinggal donya. Sawijining dina Bu Danang kaliyan garwanipun mertamu ana omahe Tiyas, tujuanipun Bu Danang kaliyan garwanipun merdhayoh meh ngraketaken sedereke kaliyan Tiyas. Wis meh 8 taun Krisnawan katimbal dening kang Murba Urip, ananging Tiyas durung bisa narima priya liya sing bisa dadi gantine Krisnawan. Sak waktu dheweke dadi randha tembe 2 taunan ana wong lanang sing ngajak bebrayan mbangun bale wisma yaiku Pak Totok, nanging dheweke durung bisa njawab amargi tasih kelingan Krisnawan wae.

              Pirang-pirang priya sing ngajak dheweke urip sesarengan nganthi tekan besane kangmase sing ana ing Yogyakarta. Durung nganthi dikenalake Tiyas wis nulak kanthi alus. Rasane atine isih ilang separo, isih suwung, durung bisa nampa tekane priya liya. Tiyas kalebu wong wadon sing tatag atine ditinggal bojone dadi singel parent nanging bisa ngrampungake kuliyahe anake kanthi duwe pegaweyan mapan.

                        Durung suwe iki ana kedadeyan sing gawe atine Tiyas goreh. Ana salah sijine kanca SMP yaiku Firman, sing wis 40 taun kepungkur ora tau kabar-kinabaran. Ngerti-ngerti tilpunan lan crita ngalor-ngidhul nganthi suwe.  Firman ulih nomer tilpune Tiyas saka mbakyune Tiyas sing saiki sak kutha karo dheweke. Sabubare ketemu Tiyas, Firman kaya-kaya ora kuwat ngempet rasane ati, sing wis puluan taun disimpen jero. Nanging sanajan wis puluan taun, jebul rasa kuwi ora bisa ilang. Patemonan iki bener-bener gawe goreh, gela lan lara banget. Saiki Firman wis mengku kaluwarga sing kebak kabagyan, Tiyas ora arep ngrusak kemapanan iki.

              Sabaline Firman, Tiyas nangis ngguguk, atine saya karanta-ranta. Semono uga Firman, dheweke uga ngandhakake yen atine goreh lan awake ngleyang. Nganthi pirang-pirang dina Tiyas ora doyan mangan lan ora bisa turu. Nanging Tiyas ora gelem crita apa-apa marang anake. Durung mari perihe ati, lha kok Pak lan Bu Danang nakokake Tiyas yen mbokmanawa kepengin omah-omah maneh. Sejatine anak-anake Tiyas nyarujuki wae yen ibune ngersakake krama  maneh. Dina-dina iki Tiyas lagi seneng-senenge ngudang putune. Atine bagya banget kaparingan putu lanang loro sing pinter-pinter lan nggemesake. Tiyas pancen durung bisa ngedum katresnane tumrap wong liya saliyane karo Krisnawan.