Asal-usul Desa Ranca Gantung

Ranca Gantung kuwe dasare desa sing ana blumbang amba istilahe balong terus diarani ranca. Sebab nang desa ana rancane dadi diarani Ranca Gantung soale nggantungna desa, terus akeh iwake, duwe pangon jenenge Kaji penyarang. Sing ngembara maring ngonoh golet iwak, dheweke ilang dadi menungsa dadi pangone iwak dadi barang kalusan. Manggone nang Ranca sing menyebari sebulak Tegal Bombak, ngumbar suara sapa-sapa sing ngarah iwak tanpa pamit tanpa tumpeng ora bakal ulih lan dadi pangone utawa dadi tumbale, ranca kuwe tekan sperene ora tau sat. Jarene keluargane Kaji penyarang pindhah sekang desa Penyarang lunga melu golet iwak nang ranca kuwe nggoleti ilange Kaji penyarang mau. Kaji penyarang tukang golet iwak kanggo mumpuni ekonomi keluargane. Nggawa sangu godhong klandingan lan godhong kuwe terus  bisa dadi iwak akeh banget, dheweke golet iwak dina jemuah kliwon lan ora nggawa sajen jenenge bae Kaji ya ora ngenal sajen, ndilalah ora ulih-ulih wong kanan-kanane dina jemuah kuwe kanggo ngaso. Lah dheweke tetep golet iwak bae banjur dheweke terus musnah ilang. Kaji penyarang ngibat-ngibati sapa sing ngembari aku dadi kaji umure ora bakal suwe lan mesthi matine kendat. Pokoke nek ngarah iwak nang ranca kuwe larangane jemuah kliwon. Jarene nek golet iwak ana ing rawa kono kudu nggawa sajen ya kuwe bakaran budhin karemane Kaji penyarang. Kaki Karjo golet iwak ana ing rawa kono, dheweke ulih iwak akeh banget.

 Mbarang dheweke arep bali Kaji penyarang mau ngeton lan takon maring dheweke mengkene kandhane, “Sapa kowe? Kowe golet iwak seno akehe arep kanggo apa?”. Kaki Karjo mandhan kaget terus mbales takon, “Lha kowe sapa wani-wanine takon aku? Aku golet iwak  ya arep tak dol”. Kaji penyarang takon maneh kowe wani-wanine golet iwak akeh kaya kuwe arep didol, apa kowe gelem nuruti syarate kanggo aku?”. Kaki Karjo ora mudeng maring omongane Kaji penyarang, mbales takon “ maksude syarat kepriwe aku ulih adol iwak kiye?”Kaji penyarang ngomong mengkene “ ya ngonoh kowe ngarah iwak seno akehe terus didol tapi kowe kudu nyetujuni anakmu ngemben dadi pangonku alias dadi muridku ana ing rawa kene”. Kaki Karjo ora mikir dawa dheweke langsung nyetujuni syarate Kaji penyarang.

 Kaki Sikin anake Kaki Karjo ndilalah sing ora tau sawah blas, ijig-ijig kerja sawahe tanggane sing sawah kuwe perek karo rawa panggonane Kaji penyarang, ora let suwe dheweke tembe bae tekan sawah lagi njegong karo udud terus dadi patine nangkono. Pokeke saben wong sing ngarah iwak nangkono ora tembung lan ora nggawa sajen karemane Kaji penyarang ora bakal ulih iwak. Ana contone wong Bangunreja nggolet iwak nang rawa pacor sikil pereke ranca kana dina jemuah kliwon lan dheweke ora nggawa sajen bakaran budhin karemane Kaji penyarang ora ulih-ulih, malah kanan-kanane senare diseret nanging sing nyeret ora keton, bali tekan umah malah dadi patine.

Ana bocah cilik-cilik nganthi weruh balike Kaji penyarang, kanan-kanane ana mobil nabrak pithik, pithike mati nanging mobile ora ana, kuwe tandane kajine bali menyang ranca. Nek ana wong sawah nganthi tekan maghrib wis mesthi kon bali Kaji penyarang mau ngeton nyamar nganggo tudung conthok. Barang wong sing nang sawah wis bali dheweke ngilang.  Bisane diarani desa Ranca Gantung kuwe ya merga saben taune ana korban sing mati lan matine kuwe mesthi gantung diri alias kendhat akeh-akehe pancen wong wedon sing dadi korbane.