PARAMASASTRA

3). Tembung Tanggap Lan Tembung Tanduk

1. Tembung tanggap yaiku tembung mawa ater-ater tripurusa. Ater-ater tripurusa ana 3 macem,  yaiku : dak-, ko-, lan di-

Tuladha :

-          Dakjupuk = dak + jupuk

-          Kojupuk = ko + jupuk

-          Dijupuk = di + jupuk

2. Ater-ater tripurusa iku minangka sesulih ( gantine ) purasa :

- Ater-ater dak- minangka sesulihe purasa1 ( kata ganti orang pertama). Ater-ater dak- diarani uga ater-ater utama purasa

- Ater-ater ko- minangka sesulihe purasa 2 ( kata ganti orang kedua ). Ater-ater ko- uga diarani ater-ater madyana purasa

- Ater-ater di- minangka sesulihe purasa 3 ( kata ganti orang ketiga ). Ater-ater di- diarani uga ater-ater pratama purasa

3. Tembung tanduk ( kata aktif ) yaiku tembung kriya mawa ater-ater anuswara, apadene tembung kriya tanpa ater-ater

Tuladha :

-          Turu

-          Tuku

-          Gawe

-          Adus

-          Mlayu

-          Lunga

4. Ater-ater anuswara yaiku ater-ater swara irung, yaiku : m-, n-, ng-, ny-

Tuladha :

-          m- + pundhut = mundhut

-          n- + tata = nata

-          ng- + karang = ngarang

-          ny- + sapu = nyapu

5. Tembung tanggap i-kriya yaiku tembung kriya tanggap  ( kata kerja pasif ) mawa panambang –i

Tuladha :

-          dakaturi

-          kogoleki

-          disirami

6. Tembung tanggap ke-kriya yaiku tembung kriya tanggap ( kata kerja pasif ) mawa panambang –ake

Tuladha :

-          dakwenehake

-          kobalekake

-          disilihake

7. Tembung tanduk i-kriya yaiku tembung kriya tanduk ( kata kerja aktif ) mawa panambang –i

Tuladha :

-          nyirami

-          makani

-          nanduri

8. Tembung tanduk ke-kriya yaiku tembung kriya tanduk ( kata kerja aktif ) mawa panambnag –ake

Tuladha :

-          nyilihake

-          ngeterake

-          ngelengake

Sumber : Pepak Basa Jawa Enggal. Satriyo, S.Pd.Surakarta.Prima Karya